ملک میں انٹرنیٹ اور سوشل میڈیا سروسز سست کیوں ہیں؟ چیئرمین پی ٹی اے نے وجہ بیان کی
اسلام آباد (ڈیلی پاکستان آن لائن) — چیئرمین پی ٹی اے نے قائمہ کمیٹی انفارمیشن ٹیکنالوجی کو بریفنگ دیتے ہوئے بتایا کہ ملک میں انٹرنیٹ اور سوشل میڈیا سروسز کی سست رفتاری کی وجہ سب میرین کیبل میں فالٹ ہے، جس کا اطلاع سب میرین کنسورشیم نے دیا ہے۔ انہوں نے یہ بھی بتایا کہ وی پی این کے استعمال کی وجہ سے مقامی انٹرنیٹ سروسز مزید متاثر ہوئی ہیں۔
اجلاس، جس کی صدارت امین الحق نے کی، میں کمیٹی کے ارکان نے سست انٹرنیٹ اور فائر وال کی اطلاعات پر سوالات کی بوچھاڑ کردی۔ چیئرمین پی ٹی اے نے کہا کہ عوام کو واضح کیا جائے کہ انٹرنیٹ سروسز کیوں متاثر ہیں۔ امین الحق نے فائر وال کی موجودگی کے بارے میں بھی سوال کیا۔
چیئرمین پی ٹی اے نے بتایا کہ 2019 میں فائر وال کا نظام منظور ہوا تھا، لیکن یہ معلوم نہیں کہ فائر وال کی وجہ سے سسٹم سست ہوا ہے یا نہیں۔ ان کا کہنا تھا کہ سب میرین کیبل میں فالٹ ہی بنیادی مسئلہ ہے جو انٹرنیٹ کی کارکردگی کو متاثر کر رہا ہے۔
