سعودی ولی عہد محمد بن سلمان کی جان کو خطرات کا سامنا
ریاض (ڈیلی پاکستان آن لائن): امریکی میڈیا کے مطابق، سعودی ولی عہد محمد بن سلمان کی زندگی کو خطرات لاحق ہیں۔
ایک غیر ملکی نیوز ویب سائٹ نے دعویٰ کیا ہے کہ اسرائیل کے ساتھ تعلقات معمول پر لانے کے سبب محمد بن سلمان کی جان کو خطرہ ہے۔ پولیٹیکو کی سینئر فارن افیئرز رپورٹر ناہال توسی کے مطابق، خفیہ ذرائع نے انہیں بتایا کہ ولی عہد نے امریکی کانگریس کے ارکان کے ساتھ ملاقات میں اس خطرے کا ذکر کیا۔
محمد بن سلمان نے اس بات پر زور دیا کہ اس خطرے کے پیش نظر، سعودی عرب کے معاہدے میں فلسطینی ریاست کے قیام کے لیے فوری اقدامات شامل کرنے کی ضرورت ہے۔
