اولمپیئن ارشد ندیم اور ان کی اہلیہ نے وسیم بادامی کو دیے گئے انٹرویو میں ارشد ندیم کے کیریئر کے حوالے سے بات کی۔
ان کی اہلیہ نے بتایا کہ شوہر کی اولمپکس میں کامیابی کے لیے انہوں نے مسلسل دعائیں کیں اور قرآن پڑھا، جس کی وجہ سے وہ گولڈ میڈل ملنے پر جذباتی ہو گئی تھیں اور رو پڑی تھیں۔
رشد ندیم اور ان کی اہلیہ نے پسند کی شادی کی تھی، اور اس بات کا ذکر کرتے ہوئے اہلیہ نے شرم کا اظہار کیا۔ ارشد ندیم نے کہا کہ ان کی شادی 2016 میں ہوئی تھی اور ان کی اہلیہ ان کی بھابھی کی بہن ہیں۔ انہوں نے مزید بتایا کہ سسر نے گولڈ میڈل جیتنے کے بعد انہیں بھینس کا تحفہ دیا، حالانکہ ان کی خواہش تھی کہ انہیں پانچ مرلہ زمین ملے۔
ارشد ندیم نے یہ بھی ذکر کیا کہ وہ عموماً غصہ نہیں کرتے، لیکن جب کبھی انہیں غصہ آتا ہے، تو اہلیہ ہی انہیں سنبھالتی ہیں۔
