پیٹرول کی قیمتوں میں کمی: عوام کے لیے خوشخبری
اسلام آباد (ویب ڈیسک) یکم ستمبر سے پیٹرول کی قیمتوں میں کمی کا امکان ہے، لیکن سوال یہ ہے کہ پیٹرول کی قیمت کتنی سستی ہو گی؟
تفصیلات کے مطابق، عالمی مارکیٹ میں تیل کی قیمتوں میں کمی کے باعث پاکستانی عوام کو بھی ریلیف ملنے کا امکان ہے۔ پیٹرولیم مصنوعات کی قیمتوں میں ردوبدل کی تجویز سامنے آئی ہے۔
ذرائع کے مطابق، پیٹرول کی قیمت میں 2 روپے 97 پیسے کمی کی تجویز دی گئی ہے۔ اسی طرح، ایک لیٹر ہائی اسپیڈ ڈیزل 2 روپے 31 پیسے، ایک لیٹر مٹی کے تیل میں 1 روپے 39 پیسے، اور ایک لیٹر لائٹ اسپیڈ ڈیزل میں 1 روپے 96 پیسے کمی کی تجویز ہے۔
یہ ممکنہ کمی صارفین کے لیے خوشخبری کے طور پر سامنے آئی ہے اور اس سے عوام کو مالیاتی سہولت مل سکتی ہے۔
