پاکستانی فلم 'دی لیجنڈز آف مولا جٹ' بھارت میں کب ریلیز ہوگی؟ بڑا اعلان
لاہور (ڈیلی پاکستان آن لائن) پاکستانی بلاک بسٹر فلم ‘دی لیجنڈز آف مولا جٹ’ کی بھارت میں ریلیز کی تاریخ کا اعلان کر دیا گیا ہے۔
پہلے یہ فلم دسمبر 2022 میں بھارت میں ریلیز ہونے والی تھی، لیکن ہندو انتہا پسند گروپوں اور مہاراشٹر نونرمان سینا (ایم این ایس) کی مخالفت کی وجہ سے اس کی ریلیز منسوخ کر دی گئی تھی۔
اب، فلم کے ڈائریکٹر بلال لاشاری اور ماہرہ خان نے اپنے آفیشل انسٹاگرام ہینڈلز پر ایک اپ ڈیٹ شیئر کی ہے، جس میں بتایا گیا کہ یہ فلم بھارت، پنجاب میں بدھ، 2 اکتوبر کو ریلیز ہو رہی ہے۔ ماہرہ خان نے اپنے پنجابی ناظرین سے محبت کا بے صبری سے انتظار کرنے کا بھی ذکر کیا۔
