ملک بھر میں کتنے کروڑ بچے سکولوں سے باہر ہیں؟ ایوان میں حیران کن تفصیلات پیش
اسلام آباد (خصوصی رپورٹ) وزارت تعلیم نے قومی اسمبلی میں ایک رپورٹ پیش کی ہے جس میں ملک بھر میں سکولوں سے باہر بچوں کی تعداد کے حوالے سے حیران کن تفصیلات فراہم کی گئی ہیں۔
رپورٹ کے مطابق، پاکستان میں کل 2 کروڑ 62 لاکھ 6 ہزار 520 بچے اور بچیاں سکولوں سے باہر ہیں۔ اس تفصیل کے مطابق، 5 سے 9 سال کی عمر کے 1 کروڑ 7 لاکھ 74 ہزار 890 بچے اور بچیاں تعلیم سے محروم ہیں، جن میں 49 لاکھ 72 ہزار 949 لڑکے اور 58 لاکھ 1 ہزار 941 لڑکیاں شامل ہیں۔
اسی طرح، 10 سے 12 سال کی عمر کے 49 لاکھ 35 ہزار 484 بچے اور بچیاں مڈل تعلیم سے محروم ہیں۔ ان میں 21 لاکھ 6 ہزار 672 لڑکے اور 28 لاکھ 28 ہزار 812 لڑکیاں شامل ہیں۔
یہ اعداد و شمار ملک میں تعلیمی مسائل کی سنگینی اور تعلیمی نظام میں اصلاحات کی ضرورت کو اجاگر کرتے ہیں۔
