بلوچستان میں انٹیلیجنس بیسڈ آپریشنز: 5 دہشت گرد ہلاک
آئی ایس پی آر کے مطابق، 29 اور 30 اگست کی رات بلوچستان کے ضلع کیچ، پنجگور، اور ژوب میں تین الگ الگ انٹیلیجنس بیسڈ آپریشنز کے دوران سیکیورٹی فورسز نے 5 دہشت گردوں کو ہلاک کر دیا۔
ان آپریشنز میں شدید فائرنگ کے تبادلے کے نتیجے میں 3 دہشت گرد زخمی بھی ہوئے۔ کلیرنس آپریشنز اس وقت تک جاری رہیں گے جب تک ان گھناؤنے جرائم کے تمام ذمہ داروں، سہولت کاروں، اور معاونین کو انصاف کے کٹہرے میں نہ لایا جائے۔
آئی ایس پی آر نے مزید کہا کہ پاکستان کی سیکیورٹی فورسز قوم کے ساتھ مل کر بلوچستان میں امن، استحکام، اور ترقی کو نقصان پہنچانے کی کوششوں کو ناکام بنانے کے لیے پرعزم ہیں۔
