تربت میں حساس ادارے کے دفتر کے قریب سے مشکوک اشیاء میں مارٹر گولہ برآمد
کوئٹہ (ڈیلی پاکستان آن لائن) تربت میں حساس ادارے کے دفتر کے قریب سے ملنے والی مشکوک اشیاء میں ایک مارٹر گولہ برآمد ہوا ہے۔ پولیس حکام کے مطابق پیر کو بی اینڈ آر کالونی کے نزدیک حساس ادارے کے دفتر کے قریب مشکوک اشیاء کی اطلاع ملنے پر پولیس اور بم ڈسپوزل سکواڈ کو طلب کیا گیا۔
خبر رساں ادارے “این این آئی” کے مطابق، مشکوک اشیاء کی جانچ کے دوران قریبی جھاڑیوں سے ایک مارٹر گولہ ملا، جسے بم ڈسپوزل سکواڈ نے کامیابی سے ناکارہ بنا دیا۔ مزید تفتیش اور کارروائی جاری ہے تاکہ کسی مزید ممکنہ خطرے کو روکا جا سکے۔
