ارشدکی والدہ رضیہ پروین کا کہناتھاکہ میں بہت دعائیں کرتی تھی اور میرے دل کی خواہش تھی کہ میرا بیٹا میڈل جیت کر پاکستان کا نام روشن کرے ، میڈل جیتنے پر مجھے اتنی خوشی ہوئی کہ میرا دل کیا میرا بیٹا میرے سامنے ہو اور میں اسے گلے لگاؤں،میں نے شکرانے کے نفل اداکئے ۔فون پر ارشد کو کہا ہے کہ ارشد میں تم سے بہت خوش ہوں، تم نے میرا دل آج بہت بڑا کر دیا ہے ۔نیرج چوپڑا کی والدہ سروج دیوی نے کہا کہ ہم نیرج چوپڑا کے سلور میڈل جیتنے پر بھی خوش ہیں، ہمارے لئے سلور بھی گولڈ جیسا ہی ہے ،میں اپنے بیٹے کے آنے پر اس کی پسند کے کھانے بناؤں گی جیسا پچھلی بار اس کے گولڈ میڈل جیت کر آنے پر بنائے تھے ۔